Chikungunya (ချစ်-ကင်း-ဂူ-ညာ)

burma Chikungunya

ခြုံငုံလေ့လာခြင်း

Chikungunya (ချစ်-ကင်း-ဂူ-ညာ)ဟု အသံထွက်သည့်အရာသည် arbovirus ဖြစ်ပြီး ပိုး မွှားမှတဆင့်ကူးစက်တတ်ကာ အထူးသဖြင့် Aedea Aegypti နှင့် Aedes Albopictus ခြင်များမှတ ဆင့်ကူးစက်သည်။ ခြင်မှတဆင့် ကူးစက်တတ်သော ရောဂါဖြစ်သောကြောင့် chikungunya သည် လူ-ခြင်-လူ ပုံစံဖြင့် ကူးစက်ပြီး သွေးလွန်တုပ်ကွေးနှင့်အ၀ါရောင်အဖျားရောဂါကဲ့သို့ လက္ခဏာများ နှင့် ရာသီချိန်များရှိသည်။ လူတစ်ယောက်သည် ယင်းရောဂါအား ရောဂါပိုးရှိသောခြင်ကိုက်ခြင်းခံရ မှသာ ကူးစက်ခြင်းခံရနိုင်သည်။ အဖျားသည် အပိုင်းအလိုက်ဖြစ်ပွားနိုင်ပြီး မကူးစက်နိုင်ပေ။ ဗိုင်း ရပ်စ်သည် အလိုလိုပျောက်ကင်းမည်ဖြစ်ပြီး သေဆုံးမှုနှုန်းမှာ အလွန်နည်းပါးပါသည်။

Chikungunya သည် အပူပိုင်းရောဂါတစ်ခုဖြစ်ပြီး ပထမဆုံးအများအပြားဖြစ်ပွားမှုအား ၁၉၅၂တွင် တန်ဇန်းနီးယားနိုင်ငံတောင်ပိုင်းတွင် တွေ့ရှိခဲ့သည်။ အစောပိုင်းတွင်ယင်းအား ၂၀၀၇ ခုနှစ် မတိုင်မီအထိ အာဖရိက၊ အာရှနှင့် အိန္ဒိယတို့တွင် အဓိကတွေ့ရှိရသော အပူပိုင်းရောဂါတစ် ခုအဖြစ်သာ ယူဆခဲ့ကြသည်။ ၂၀၀၇ တွင် ခရိုအေးရှား၊ ကရစ်ဘီယန်ကျွန်းများ၊ ပြင်သစ်၊ ကနေဒါ၊ မက္ကဆီကိုနှင့် အီတလီတို့တွင် ကြီးမားသောဖြစ်ပွားမှုများကို တွေ့ရှိခဲ့ရသည်။

ကမ္ဘာ့ကျန်းမာရေးအဖွဲ့ (WHO) အရ chikungunya ရောဂါဖြစ်ပွားမှုများကို ကမ္ဘာအနှံ့ နိုင်ငံပေါင်း ၆၀ကျော်တွင် တွေ့ရှိခဲ့ပြီး နောက်ဆုံးတွေ့ရှိမှုမှာ အာဂျင်တီးနားနိုင်ငံတွင်ဖြစ်ပါသည်။ ၂၀၁၆ မတ်လတွင် ရောဂါဖြစ်မှုပေါင်း ၃၁,၀၀၀ ခန့်အား တွေ့ရှိထားသည်။ သို့သော်လည်း ကမ္ဘာ တ၀ှမ်းတွင် ယင်းရောဂါဖြစ်ပွားမှုမှာ လျော့ကျလာနေသည်။

Chikungunya အား မြန်မာနိုင်ငံတွင် တွေ့ရှိမှုမှာ ရန်ကုန်တွင် ၂၀၀၉ ခုနှစ်ကတွေ့ရှိခြင်း ဖြစ်သည်။ ထို့နောက်တွင် မြန်မာနိုင်ငံရှိ ဧရာဝတီတိုင်း၊ ရန်ကုန်တိုင်း၊ ရခိုင်ပြည်နယ်နှင့် ရှမ်းပြည် နယ်တို့တွင် များစွာဖြစ်ပွားခဲ့သည်။ ဖြစ်ပွားမှုသည် ရာသီဥတုအနေအထားအရ ခြင်များပေါက် ပွားသောအချိန်ဖြစ်သည့် မုတ်သုန်ရာသီအစောပိုင်းအချိန်များတွင် အများဆုံးဖြစ်ပွားခဲ့သည်။

 

လက္ခဏာများ

ရောဂါပိုးရှိသောခြင်တစ်ကောင်ကိုက်ခြင်းကို ခံရပြီးနောက် ထိုသူသည် chikungunya ၏ လက္ခဏာများအား ၃ ရက်မှ ၇ ရက်အတွင်း စတင်ခံစားရမည်ဖြစ်ပြီး စုစုပေါင်းရောဂါပျိုးကာလ သည် တစ်ရက်မှ တစ်ဆယ့်နှစ်ရက်အထိ ကြာတတ်သည်။ Chikungunya ၏ အဖြစ်အများဆုံး လက္ခဏာများမှာ အပူချိန် ၁၀၄ ဒီဂရီဖာရင်ဟိုက်ခန့်အထိ ရုတ်တရက်အဖျားတက်ခြင်း၊ အဆစ် များ ပြင်းစွာနာကျင်ခြင်းနှင့်တောင့်တင်းခြင်း၊ ကြွက်သားကိုက်ခဲခြင်း၊ အင်ပြင်ထခြင်း၊ မောပန်းခြင်း၊ ခေါင်းကိုက်ခြင်းများ၊ မူးဝေခြင်းနှင့် အန်ခြင်းတို့ ဖြစ်ပါသည်။

Chikungunya သည် အသက်ကြီးသော လူနာများတွင် နောက်ဆက်တွဲရောဂါများအား ဖြစ်စေတတ်သော်လည်း သေဆုံးမှုမှာ အလွန်နည်းပါးပါသည်။

 

ဘယ်အချိန်မှာ ဆရာဝန်နဲ့ ပြသင့်သလဲ

Chikungunya သည် ရောဂါဖော်ထုတ်သတ်မှတ်ရန် ခက်ခဲပြီး ယင်း၏လက္ခဏာများမှာ အခြားပုံစံတူကူးစက်ရောဂါများဖြစ်သော သွေးလွန်တုပ်ကွေးနှင့် အ၀ါရောင်အဖျားရောဂါများနှင့် အလွန်တူလေ့ရှိသည်။ Chikungunya အား သီးသန့်စစ်ဆေးရန် အထူးစစ်ဆေးမှုဟူ၍လည်း မရှိ ပါ။ သို့ရာတွင် ဗိုင်းရပ်စ်ပိုးအားခွဲထုတ်ပြီးနောက် အတည်ပြုခြင်းနည်းသည် လက်ရှိအကောင်းဆုံး ဖော်ထုတ်နည်းဖြစ်ပြီး ယင်းသည် အချိန်ကုန်သော လုပ်ငန်းတစ်ခုလည်း ဖြစ်ပါသည်။ သင့်အနေ ဖြင့် အောက်ပါတို့ဖြစ်ပါက ဆရာဝန်နှင့်ပြသင့်ပါသည်။

  • အကယ်၍သင့်တွင် ရုတ်တရက်အဖျားရှိလာပြီး လက်မောင်းများနှင့်ခြေထောက်များ၊ လက် ကောက်ဝတ်များ၊ ခြေကျင်းဝတ်၊ ပခုံးများ၊ တံတောင်ဆစ်များနှင့် ဒူးများတွင် အဆစ်များ ပြင်းစွာနာကျင်ခြင်း။
  • အကယ်၍ သင့်အနေဖြင့် ရောဂါဖြစ်ပွားမှုများနေသော အရပ်သို့ ခရီးထွက်ခဲ့ခြင်း။
  • Chikungunya ဖြစ်ပွားမှုပတ်သက်၍ နာမည်ကြီးသောဒေသသို့သွားရောက်ခဲ့ပြီးနောက် ပိုင်းတွင် လက္ခဏာများ တွေ့ရှိရခြင်း။

 

ကုသမှု

လက်ရှိအချိန်အထိ chikungunya အတွက် ကုသမှုသို့မဟုတ် ကာကွယ်ဆေးဟူ၍ မရှိ သေးပါ။ Chikungunya အတွက် ကုသမှုများအားလုံးသည် ရောဂါလက္ခဏာများကိုသာ ဦးတည်၍ ကုသခြင်းဖြစ်ပြီး သက်သာအောင် ပြုလုပ်ပေးခြင်းဖြစ်ပါသည်။ ဆရာဝန်များမှ အရည်များများ သောက်ရန်၊ အဖျားပျောက်ဆေးများသောက်ရန်၊ စတီးရွိုက်မဟုတ်သော ရောင်ရမ်းကျဆေးများ (NSAIDs) များနှင့် အကိုက်အခဲပျောက်ဆေးများသော သုံးစွဲရန် ညွှန်ကြားနိုင်ပြီး ယင်းတို့မှာ အဆစ်များနာကျင်မှုအတွက် ဖြစ်ပါသည်။ ကုသမှုများအားလုံးသည် chikungunya ရောဂါခံစားရ သောလူနာများအတွက် ရောဂါလက္ခဏာဆိုင်ရာ ထောက်ပံ့ကုသမှုများသည် ဖြစ်ပါသည်။

 

ပျောက်ကင်းနိုင်မှု

စောစီးစွာတွေ့ရှိရခြင်းနှင့် မှန်ကန်သောကုသမှုဖြင့် သေချာစွာစောင့်ရှောက်ခြင်းဖြင့် လျင် မြန်စွာနလန်ထလာနိုင်ပါသည်။ Chikungunya ဗိုင်းရပ်စ်သည် အလိုလိုပျောက်ကင်းမည်ဖြစ်ပြီး ယင်းဖြစ်ပွားချိန်အတွင်း သေဆုံးမှုသည် တစ်ထောင်တွင်တစ်ယောက်ထက်နည်းသည်အထိ ရှားပါး ပါသည်။ သို့ရာတွင် အသက် ၆၅ နှစ်အထက် လူကြီးများနှင့် ကိုယ်ခံအားနည်းသော ကလေးသူ ငယ်များတွင် နောက်ဆက်တွဲရောဂါများ တွေ့ရတတ်ပါသည်။ ကလေးများအနေဖြင့် မွေးဖွားချိန် အတွင်း chikungunya ရောဂါအား မိခင်ထံမှလည်း ကူးစက်နိုင်ပါသည်။

 

ကာကွယ်ခြင်း

Chikungunya အား ခြင်များပေါက်ပွားမှုနှင့် ပျံ့နှံ့မှုတို့ကို ကာကွယ်ခြင်းဖြင့် ကာကွယ်နိုင် ပါသည်။ Chikungunya ဖြစ်ပွားနေသော ဒေသများသို့ သွားရောက်ခဲ့ပါက အ၀တ်အစားအရှည် များဝတ်ဆင်ပါ။ DEET ကဲ့သို့ ခြင်ကာကွယ်သည့်ဆေးများသုံးပါ။ မှောင်မည်း၍စိုစွတ်သောနေရာ များအား ရှောင်ကျဉ်ပါ။ အမှောင်ထဲသို့ထွက်ခြင်းကိုလည်း ရှောင်ကျဉ်သင့်ပြီး chikungunya ဖြစ် ပွားနေသောဒေသများသို့သွားရောက်ရန် အစီအစဉ်များပြုလုပ်ခြင်းကိုလည်း ရှောင်ကျဉ်သင့်ပါ သည်။

သီးခြားခွဲထုတ်သည့် လုပ်ဆောင်မှုများအား လိုက်နာပါ။

 

အသုံးဝင်သည့် သက်ဆိုင်ရာ link များ (1) (2) (3)