သွေးတိုးခြင်း

သွေးတိုးခြင်း

ခြုံငုံလေ့လာခြင်း

သွေးတိုးခြင်းသည် အဖြစ်များသော ရောဂါတစ်ခုဖြစ်ပြီး ယင်းတွင် လူတစ်ဦး၏ သွေးမှ သွေးလွှတ်ကြောနံရံများအပေါ်တွင် ရေရှည်ဖိအားသည် ကျန်းမာရေးပြဿနာများဖြစ်ကြသည့် ကျောက်ကပ်နှင့် နှလုံးရောဂါများ ဖြစ်ပွားလောက်အောင် များပြားနေခြင်းဖြစ်ပါသည်။

လူတစ်ဦး၏ သွေးဖိအားကို နှစ်မျိုးသတ်မှတ်နိုင်ပါသည်။ ပထမမှာ နှလုံးမှညှစ်ထုတ်သော သွေးပမာဏဖြစ်ပြီး ဒုတိယမှာ သွေးလွှတ်ကြောများအတွင်းရှိ သွေးစီးဆင်းမှုကို ခံနိုင်သည့် ပမာဏ ဖြစ်ပါသည်။ နှလုံးညှစ်ထုတ်သော သွေးပမာဏများပြီး သွေးလွှတ်ကြောများ ကျဉ်းလေလေ သွေးဖိ အား မြင့်မားလေလေ ဖြစ်ပါသည်။

လူတစ်ဦးတွင် သွေးတိုးခြင်းသည် မည်သည့်လက္ခဏာမျှ မပြဘဲ ကာလကြာရှည်စွာ (နှစ် ပေါင်းများစွာတိုင်အောင်) ရှိနေနိုင်ပါသည်။ သို့ရာတွင် လက္ခဏာများ မရှိသော်လည်း ယင်းသည် သွေးကြောများနှင့် နှလုံးအား ထိခိုက်နိုင်ပါသည်။ ကုသခြင်း၊ ထိန်းချုပ်ခြင်းမရှိဘဲ ထားပါက သွေးဖိ အားသည် လေဖြတ်ခြင်းနှင့် နှလုံးရောဂါထခြင်းတို့ကဲ့သို့သော ပို၍ပြင်းထန်သည့် ကျန်းမာရေးပြ ဿနာများ ဖြစ်ပွားနိုင်ချေကို မြင့်တက်စေနိုင်ပါသည်။

သွေးတိုးခြင်းသည် အများအားဖြင့် အချိန်ကြာကြာယူကာ ဖြစ်ပွားလေ့ရှိပြီး လူတိုင်းနီးပါး တွင် ဖြစ်နိုင်ပါသည်။ သို့ရာတွင် ယင်းအား လွယ်ကူစွာ ရောဂါဖော်ထုတ်နိုင်ပြီး သင့်တွင်သွေးတိုး ရောဂါရှိကြောင်းသိသည်နှင့် ယင်းကိုထိန်းချုပ်ရန်အတွက် ဆရာဝန်နှင့် ပြနိုင်ပါသည်။

 

လူများတွင် ပုံမှန်သွေးဖိအားသည်

  • ပုံမှန်သွေးဖိအား < ၁၂၀/၈၀
  • သွေးတိုးခြင်းမဖြစ်မီ ၁၂၀-၁၃၉/၈၀-၈၉
  • အဆင့် ၁ သွေးတိုးခြင်း = ၁၄၀-၁၅၉/၉၀-၉၉
  • အဆင့် ၂ သွေးတိုးခြင်း > ၁၆၀/၁၀၀ ဖြစ်ပါသည်။

မြန်မာနိုင်ငံတွင် လူနာ ၂၀,၉၀၁ ဦးပါဝင်သည့် လေ့လာမှုခုနစ်ခုအရ သွေးတိုးရောဂါ ဖြစ် ပွားမှုနှုန်းသည် ၂၂ ရာခိုင်နှုန်းရှိသည်ကို တွေ့ရှိရပါသည်။ အမျိုးသားများတွင် ဖြစ်ပွားမှုသည် ၂၁.၅ ရာခိုင်နှုန်းဖြစ်ပြီး အမျိုးသမီးများတွင် ဖြစ်ပွားမှုသည် ၂၂.၇ ရာခိုင်နှုန်းဖြစ်ပါသည်။ သွေးတိုး ရောဂါဖြစ်နိုင်ချေသည် အသက်ကြီးလာသည်နှင့်အမျှ မြင့်တက်လာသည်ကိုလည်း တွေ့ရှိရပါ သည်။ သုတေသနပြုလုပ်သူများမှ သွေးတိုးခြင်းနှင့် ဆေးလိပ်၊ အရက်သောက်သုံးခြင်းတို့အကြား ဆက်စပ်မှုကိုလည်း တွေ့ရှိခဲ့ရပါသည်။

သို့ရာတွင် အခြားလေ့လာမှုတစ်ခုတွင် ဖြစ်ပွားမှုသည် ပို၍ မြင့်မားကြောင်းတွေ့ရှိရပါ သည်။ WHO ၏ ၂၀၀၈ ခုနှစ်စစ်တမ်းအရ မြန်မာနိုင်ငံသည် အရှေ့တောင်အာရှဒေသတွင် သွေး တိုးမှုအများဆုံးဖြစ်ပွားကြောင်း တွေ့ရှိရပါသည်။ မြန်မာနိုင်ငံတွင် အရွယ်ရောက်ပြီးသူ သုံးဦးတွင် တစ်ဦးသည် သွေးတိုးရောဂါကို ခံစားနေရပြီး ဖြစ်ပွားမှုမှာ အမျိုးသမီးများတွင် ၃၉.၈ ရာခိုင်နှုန်းနှင့် အမျိုးသားများတွင် ၄၄.၃ ရာခိုင်နှုန်းဖြစ်ပါသည်။

 

လက္ခဏာများ

အများအားဖြင့် သွေးတိုးခြင်းသည် မည်သည့်လက္ခဏာကိုမျှ မပြတတ်သောကြောင့် အသံ တိတ်လူသတ်သမားဟု မကြာခဏအမည်ပေးခြင်း ခံရပါသည်။ သွေးတိုးရောဂါရှိသူများသည် ပုံ မှန်အားဖြင့် ယင်းတို့တွင် ရောဂါရှိသည်ကို သိလေ့မရှိဘဲ အခြားပုံမှန်ကျန်းမာရေးစစ်ဆေးမှုများ ပြုလုပ်ခြင်းမှသာ သိရလေ့ရှိပါသည်။

သွေးတိုးရောဂါရှိသူများတွင် အောက်ပါလက္ခဏာများအား ခံစားရနိုင်ပါသည်။

  • ခေါင်းကိုက်ခြင်း
  • အမြင်ေ၀၀ါးခြင်း
  • ပျို့ခြင်း နှင့်/သို့မဟုတ် အန်ခြင်းနှင့်
  • မူးဝေခြင်း
  • အသက်ရှူမ၀ခြင်းနှင့် ရင်ဘတ်အောင့်ခြင်းတို့ ဖြစ်ပါသည်။

အများစုတွင်ဖြစ်ပွားသူများသည် ကာလရှည်သွေးတိုးခြင်းကြောင့်ဖြစ်ပွားသော ကိုယ်တွင်း အင်္ဂါထိခိုက်မှုများ၏ လက္ခဏာများ မစတင်မီအထိ ဆေးကုသမှုမခံယူဘဲ နေတတ်ကြပါသည်။ နာတာရှည်သွေးတိုးခြင်းဖြင့် အောက်ပါကိုယ်တွင်းအင်္ဂါထိခိုက်မှုများအား ဖြစ်စေနိုင်ပါသည်။

  • နှလုံးပျက်စီးခြင်း
  • နှလုံးရောဂါထခြင်း
  • ယာယီလေဖြန်းခြင်း သို့မဟုတ် လေဖြတ်ခြင်း
  • ပိုဆိုးလာတတ်သော အမြင်အာရုံပျောက်ဆုံးခြင်းနှင့်အတူ မျက်လုံးထိခိုက်ခြင်း
  • ကျောက်ကပ်ပျက်စီးခြင်း
  • နှလုံးသွေးကြောမကြီးပွခြင်း၊ ဖောင်းခြင်းဟုခေါ်သည်
  • အစွန်ကျသော သွေးလွှတ်ကြောရောဂါ တို့ဖြစ်ကြပါသည်။

 

ဘယ်အချိန်မှာ ဆေးဖက်ဆိုင်ရာ အကူအညီယူသင့်သလဲ

အများစုတွင် လူတစ်ဦးသည် ရင်ဘတ်အောင့်ခြင်း သို့မဟုတ် အခြားသော လေဖြတ်ခြင်း နှင့်တူသော လက္ခဏာများအတွက် ဆေးခန်းပြရာမှ သွေးတိုးရှိကြောင်း သိရလေ့ရှိပါသည်။ အ ကယ်၍ သင့်အနေဖြင့် ယင်းကို ကြုံတွေ့ရပါက ချက်ချင်းဆေးကုသမှု ခံယူသင့်ပါသည်။

သွေးဖိအားတိုင်းတာချက်များသည် အခြေအနေအရပ်ရပ်အပေါ်မူတည်၍ ကွဲပြားနိုင်ပြီး နေ့တစ်နေ့၏ အချိန်အပေါ်တွင်လည်း မူတည်ပါသည်။ ထို့ကြောင့် သွေးတိုးခြင်းကို တိုင်းတာ ရန်အတွက် သီးခြားမြင့်တက်သော သွေးဖိအား တိုင်းတာချက်များ ပြုလုပ်ရန်လိုအပ်ပါသည်။ အ ကယ်၍ သင့်တွင် အောက်ပါလက္ခဏာများ ခံစားရပါက ဆေးကုသမှုခံယူရန် အရေးကြီးပါသည်။

  • သာမန်ခေါင်းကိုက်ခြင်း
  • မူးဝေခြင်း
  • အမြင်အာရုံပြောင်းလဲခြင်း
  • ပျို့ခြင်းနှင့် ပူးတွဲ၍ သို့မဟုတ် မပူးတွဲဘဲ ခေါင်းကိုက်ခြင်း
  • လေးလံထိုင်းမှိုင်းခြင်းနှင့် အားနည်းခြင်း တို့ဖြစ်ကြပါသည်။

 

ကုသမှုများ

သွေးတိုးခြင်းအား တသက်လုံးကုသမှုခံယူရန် လိုအပ်လေ့ရှိပါသည်။ ယင်းသည် အချိန် နှင့်အမျှ ပို၍ဆိုးလာတတ်ပြီး ကုသမှုအား အချိန်အပေါ်မူတည်၍ အပြောင်းအလဲပြုလုပ်ရန် လို အပ်ပါသည်။ လူနာအနေဖြင့် သွေးတိုးခြင်းအား ကုသရာတွင် လိုအပ်မှုများဖြစ်သည့် အစားအစာ ထိန်းချုပ်ခြင်း၊ လူနေမှုပုံစံ ပြောင်းလဲခြင်းများ၊ ကိုယ်အလေးချိန်လျှော့ခြင်းနှင့် လိုအပ်ပါက ဆေး ၀ါးများသုံးစွဲခြင်းတို့ကို ပြုလုပ်ရန် လိုအပ်နိုင်ပါသည်။

ဆရာဝန်များမှ လူနေမှုပုံစံပြောင်းလဲခြင်းသည် သွေးဖိအားကို ထိန်းချုပ်ရာတွင် များစွာအ ကူအညီဖြစ်စေကြောင်း ယုံကြည်ထားကြပါသည်။ ပုံမှန်လေ့ကျင့်ခန်းလုပ်ခြင်း၊ ဆားလျှော့စားခြင်း၊ ကျန်းမာရေးနှင့် ညီညွတ်သော အစာများစားခြင်း၊ ဆေးလိပ်မသောက်ခြင်းနှင့် ကျန်းမာရေးနှင့် ညီ ညွတ်သော ကိုယ်အလေးချိန်အား ထိန်းထားခြင်းတို့ဖြင့် သွေးဖိအားကို ထိန်းချုပ်နိုင်ပါသည်။

အသုံးများသော ဆေးဝါးများမှာ thiazide diuretic များ၊ beta blocker များ၊ Angiotensin-convertinng enzyme (ACE) inhibitor များ၊ Calcium channel blocker များနှင့် Renin inhibitor များဖြစ်ကြပါသည်။ သွေးတိုးခြင်းအတွက် အသုံးပြုသော အခြားဆေးအချို့မှာ Alpha blocker များ၊ Alpha-beta blocker များ၊ သွေးကြောကျယ်စေသည့်ဆေးများ၊ ဗဟိုသက် ရောက်ဆေးများနှင့် Aldosterone antagonist များ ဖြစ်ကြပါသည်။

 

ပျောက်ကင်းနိုင်မှု

သွေးတိုးခြင်းအား သေချာထိန်းချုပ်ခြင်းဖြင့် နောက်ဆက်တွဲရောဂါများဖြစ်ကြသည့် ကျောက်ကပ်ပျက်စီးခြင်း၊ နှလုံးရောဂါထခြင်း၊ မျက်စိကွယ်ခြင်းနှင့် အခြားရောဂါများကို ဖြစ်ပွားမှု ကို လျှော့ချနိုင်ပါသည်။ သို့ရာတွင် သွေးဖိအားကို ထိန်းချုပ်ရန်အတွက် လူနာများသည် ဆေးဝါး များအား တသက်လုံးသုံးစွဲရန် လိုအပ်ပါသည်။ ကောင်းစွာ မထိန်းချုပ်ထားခြင်းမရှိ၊ မကုသဘဲ ထားသော သွေးတိုးခြင်းသည် နှလုံးပျက်စီးခြင်းနှင့် လေဖြတ်ခြင်းဖြစ်စေနိုင်သည့် အလွန်ကြီးမား သော အန္တရာယ်ဖြစ်ပါသည်။ ထို့ကြောင့် ယင်းအား အသံတိတ်လူသတ်သမားဟု ခေါ်ခြင်းဖြစ်ပါ သည်။

 

ကာကွယ်ခြင်း

သွေးတိုးခြင်းကို ထိန်းချုပ်နိုင်ရန်အတွက် ပြုလုပ်နိုင်သော လူနေမှုဘ၀ အပြောင်းအလဲများ မှာ –

  • အဆီနည်းပြီး အာဟာရပြည့်ဝသော အစာကိုစားခြင်း
  • ပုံမှန်လေ့ကျင့်ခန်းလုပ်ခြင်း
  • ဆား (ဆိုဒီယမ်) လျှော့စားခြင်း
  • အရက်ကို ထိန်းသိမ်း၍ သောက်ခြင်း
  • ကျန်းမာရေးနှင့်ညီညွတ်သော ကိုယ်အလေးချိန်အား ထိန်းသိမ်းခြင်းနှင့် လိုအပ်ပါက ကိုယ် အလေးချိန်လျှော့ချခြင်း
  • ဆေးလိပ်ဖြတ်ခြင်း
  • ပုံမှန်ကျန်းမာရေးစစ်ဆေးခြင်းနှင့် သွေးဖိအား တိုင်းတာခြင်း
  • ဆေးဝါးများအား ညွှန်ကြားထားသည့်အတိုင်း ပုံမှန် သောက်သုံးခြင်း
  • စိတ်ဖိစီးမှုအား လျှော့ချခြင်းတို့ ဖြစ်ကြပါသည်။

 

အသုံးဝင်သော link များ (1) (2) (3)

http://www.ncbi.nlm.nih.gov/pmc/articles/PMC4616280/

http://www.mmtimes.com/index.php/national-news/6708-experts-call-for-high-blood-pressure-campaign.html

http://dts-medicaleducation.blogspot.in/2013/01/high-blood-pressure-aftermath.html