အသည်းရောင်အသားဝါ ဘီ

အသည်းရောင်အသားဝါ ဘီခြုံငုံလေ့လာခြင်း

အသည်းရောင်အသားဝါ ဘီသည် အသည်းရောင်အသားဝါ ဘီဗိုင်းရပ်စ်ပိုး (HBV) ကြောင့် ဖြစ်ပွားခြင်းဖြစ်ပြီး ယင်းသည် ပြင်းထန်သော ကူးစက်ရောဂါတစ်ခုဖြစ်ပါသည်။ အသည်းရောင်အ သားဝါ ဘီသည် နာတာရှည်အသည်းရောဂါကူးစက်ခြင်းများကို ဖြစ်စေပြီး အသည်းလုပ်ငန်းပျက်စီး ခြင်း၊ အသည်းခြောက်ခြင်း၊ အသည်းပျက်စီးခြင်းနှင့် အသည်းကင်ဆာတို့ကို ဖြစ်စေနိုင်ပါသည်။ HBV သည် ကမ္ဘာပေါ်တွင်ဖြစ်ပွားနေသော ပြင်းထန်သည့် အသည်းရောဂါကူးစက်မှုများအနက် အဖြစ်အများဆုံးဖြစ်ပြီး ယင်းအား ကမ္ဘာတ၀ှမ်းတွင် လုပ်ဆောင်နေသော HBV ကာကွယ်ဆေးထိုး ခြင်းဖြင့် ကာကွယ်နိုင်ပါသည်။ ကာကွယ်ဆေးထိုးခြင်းသည် ကမ္ဘာတ၀ှမ်းတွင် ရောဂါဖြစ်ပွားမှုအား သိသာစွာလျှော့ချနိုင်ကြောင်း တွေ့ရှိရပါသည်။

အသည်းရောင်အသားဝါ ဘီအား ကမ္ဘာအနှံ့တွင် တွေ့ရှိရပြီး ကပ်ရောဂါအသွင်ဖြစ်ပွားမှု ကို အရှေ့တောင်အာရှ၊ ပစိတ်ကျွန်းများ၊ အာဖရိက၊ ကနေဒါမြောက်ပိုင်း၊ အလက်စကာ၊ ဥရောပ အရှေ့ပိုင်းနှင့် မက်ဒီတာရေးနီးယန်းဒေသ၊ တောင်အမေရိက၊ ဂရင်းလန် စသည်တို့တွင် တွေ့ရှိရ ပါသည်။

အသည်းရောင်အသားဝါ ဘီအား လျင်မြန်၍ပြင်းထန်သော အသည်းရောင်အသားဝါ ဘီ (အသစ်ကူးစက်မှုများအား ရည်ညွှန်းခြင်း) နှင့် နာတာရှည် အသည်းရောင်အသားဝါ ဘီ (ကူးစက် မှုသည် အသည်းတွင် ခြောက်လထက်ပို၍ ရှိနေခြင်းဟူ၍ ခွဲခြားနိုင်ပါသည်။ နာတာရှည်ကူးစက်မှု များသည် ကူးစက်ခံရသူ၏ ဘ၀တလျှောက်လုံး ကျန်ရှိနေနိုင်ပါသည်။ အသည်းရောင်အသားဝါ ဘီ ကူးစက်ခြင်းခံရသော အရွယ်ရောက်ပြီးသူအများစုသည် လုံးဝပျောက်ကင်းလေ့ရှိပြီး အချို့တွင်သာ နာတာရှည် အသည်းရောဂါကူးစက်မှုများ ဖြစ်ပေါ်ပါသည်။

မြန်မာနိုင်ငံတွင် လူဦးရေ စုစုပေါင်း၏ ၁၂ ရာခိုင်နှုန်း သို့မဟုတ် ၃.၃ သန်းခန့်သည် HBV ကူးစက်ခြင်းခံထားရပြီး HBV ဖြစ်ပွားမှုနှင့် ယင်း၏တွဲဖက်အသည်းရောဂါများ ဖြစ်ပွားမှုတို့ကို လျှော့ချရန် အစိုးရမှ ကြိုးစားလုပ်ဆောင်နေပါသည်။

 

လက္ခဏာများ

အသည်းရောင်အသားဝါ ဘီ၏ လက္ခဏာများသည် လူတစ်ယောက်ရောဂါကူးစက်ခြင်းခံရ ပြီးနောက် တစ်လမှ လေးလခန့်အတွင်း စတင်ဖြစ်ပေါ်ပါသည်။ လက္ခဏာများတွင် အနုစားမှ ပြင်း ထန်သော လက္ခဏာများအထိပါဝင်ပြီး ကူးစက်မှုကိုယ်တိုင်သည် ရက်သတ္တပတ်အနည်းငယ်မှ လ ပိုင်းအထိ ကြာမြင့်တတ်ပါသည်။ အဖြစ်များသော လက္ခဏာအချို့မှာ –

  • ပျို့ခြင်း၊ အန်ခြင်း၊ အားနည်းခြင်းနှင့် မောပန်းခြင်း
  • ဆီးအရောင်ရင့်ခြင်းနှင့် ဖြူဖျော့ဖျော့ဝမ်းသွားခြင်း
  • အဆစ်များနာခြင်း
  • ဗိုက်နာခြင်းသို့မဟုတ် နံရိုးများအောက်ရှိ အသည်းနေရာတွင် နာခြင်း
  • အစားအသောက်ပျက်ခြင်း
  • တကိုယ်လုံးယားယံ၍ အင်ပြင်ထခြင်း
  • အရေပြားနှင့် မျက်လုံးအဖြူသားများ ၀ါခြင်းတို့ဖြစ်ကြပါသည်။

အသည်းရောင်အသားဝါ ဘီ၏ လက္ခဏာများသည် တုပ်ကွေး၏လက္ခဏာများနှင့် အလွန် တူပြီး အများအားဖြင့် ကူးစက်ခံရသူအများစုတွင် HBV ကူးစက်မှုအား မတွေ့ရှိဘဲ ဖြစ်တတ်ပါ သည်။

 

ဘယ်အချိန်မှာ ဆရာဝန်နဲ့ ပြသင့်သလဲ

အကယ်၍ သင့်တွင် အထက်ဖော်ပြပါ လက္ခဏာများ တွေ့ရှိရပါက ဆရာဝန်နှင့် ချက်ချင်း ပြသင့်ပြီး HBV ကူးစက်မှုအဖြစ် သတ်မှတ်ရန်အတွက် စစ်ဆေးမှုများ ပြုလုပ်သင့်ပါသည်။ အကယ် ၍ သင့်အနေဖြင့် HBV ဗိုင်းရပ်စ်နှင့် ထိတွေ့ရပါက ကာကွယ်သည့်ကုသမှုအား ခံယူခြင်းဖြင့် နောက်ထပ်ကူးစက်မှုများ ဖြစ်ပွားနိုင်မှုနှင့် HBV ပျံ့နှံ့မှုတို့အား လျှော့ချနိုင်ပါသည်။

 

ကုသမှု

အသည်းရောင်အသားဝါ ဘီအတွက် ကာကွယ်ဆေးရှိသော်လည်း ကူးစက်ခံထားရပြီးသူ များအနေဖြင့် ဆရာဝန်နှင့် ချက်ချင်းပြသင့်ပါသည်။ ဆရာဝန်မှ ရောဂါသဘာဝအပေါ်မူတည်၍ လျင်မြန်၍ ပြင်းထန်သောရောဂါ သို့မဟုတ် နာတာရှည်ရောဂါအဖြစ် သတ်မှတ်မည်ဖြစ်ပါသည်။

လျင်မြန်၍ ပြင်းထန်သော အသည်းရောင်အသားဝါဘီ ကူးစက်မှုများအတွက် ဆရာဝန်များ မှ အနားယူရန်၊ အာဟာရရှိသော အစာများစားရန်နှင့် အရည်များများသောက်ရန် အကြံပေးလေ့ရှိ ပါသည်။ အများအားဖြင့် ရောဂါကူးစက်မှုသည် သူ့အလိုလို ပျောက်ကင်းပါသည်။ သို့ရာတွင် အကယ်၍ သင့်အနေဖြင့် နာတာရှည် အသည်းရောင်အသားဝါ ဘီ ကူးစက်မှု ဖြစ်ပါက ဆရာဝန်မှ အသည်းရောဂါများဖြစ်နိုင်ချေနှင့် အခြားသူများအား ကူးစက်နိုင်ချေအား လျှော့ချရန်အတွက် ကု သမှုအား စတင်မည်ဖြစ်ပါသည်။ ယင်းတို့အား ဗိုင်းရပ်စ်ဆန့်ကျင်ဆေးများ ပေးခြင်းနှင့် ပြင်းထန် သောအခြေအနေများတွင် အသည်းအစားထိုးခြင်းတို့ကို ပြုလုပ်နိုင်ပါသည်။

 

ပျောက်ကင်းနိုင်မှု

အသည်းရောင်အသားဝါ ဘီ၏ ပျောက်ကင်းနိုင်မှုသည် ကူးစက်မှုအမျိုးအစား (လျင်မြန်၍ ပြင်းထန်သော သို့မဟုတ် နာတာရှည်) အပေါ်မူတည်ပါသည်။ အချို့သူများတွင် ကုသမှုအား လျင်မြန်စွာ တုံ့ပြန်နိုင်ကြပြီး အချို့သူများတွင် ပြန်လည်ကောင်းမွန်ရန် အချိန်ပိုကြာတတ်ပါသည်။ အချို့သူများတွင်မူ ပြန်လည်နလန်ထချိန်အတွင်း အသည်းထိခိုက်မှုဖြစ်ပေါ်တတ်ပြီး အသက်သေ ဆုံးသည်အထိ ဖြစ်နိုင်ပါသည်။

နာတာရှည် အသည်းရောင်အသားဝါ ဘီကူးစက်ခံရသော သူများတွင် နောက်ဆက်တွဲ ရောဂါများဖြစ်ကြသည့် အသည်းထိခိုက်ခြင်း၊ အသည်းခြောက်ခြင်းနှင့် အသည်းပျက်စီးခြင်းတို့ သည် အသက်သေဆုံးသည်အထိ ဖြစ်နိုင်ပါသည်။

 

ကာကွယ်ခြင်း

အသည်းရောင်အသားဝါဘီ ကာကွယ်ဆေးထိုးခြင်းသည် ဗိုင်းရပ်စ်အား ကာကွယ်သည့် လုပ်ဆောင်ချက်တစ်ခု ဖြစ်ပါသည်။ ယင်းအား မွေးကင်းစကလေးများတွင် အဓိကလုပ်ဆောင်လေ့ ရှိပါသည်။ သို့ရာတွင် ကလေးများနှင့် အရွယ်ရောက်စသူများတွင် မွေးစဉ်က ကာကွယ်ဆေးမထိုး ခဲ့ရပါက ကာကွယ်ဆေးထိုးသင့်ပါသည်။

ကာကွယ်ဆေးအား HIV ကူးစက်ခံထားရသူများ၊ လိင်မှတဆင့်ကူးစက်တတ်သော ရောဂါ များရှိသူများ၊ အသည်းလုပ်ငန်း ချို့ယွင်းနေသူများနှင့် ကျောက်ကပ်ရောဂါရှိသူများတွင်လည်း ထိုး သင့်ပါသည်။ HBV ကူးစက်ခံထားရသူအား စောင့်ရှောက်မှုပေးနေသောသူများ၊ သွေးနှင့်ထိတွေ့ ရသည့် ကျန်းမာရေးစောင့်ရှောက်မှု ပြုလုပ်နေသူများ၊ လိင်ဆက်ဆံဖက် အများအပြားရှိသူများ၊ လိင်တူဆက်ဆံသူများနှင့် HBV ကူးစက်ခံထားရသော လိင်ဆက်ဆံဖက်ရှိသူများတွင်လည်း ကာ ကွယ်ဆေးထိုးသင့်ပါသည်။

HBV ကူးစက်မှုများသည့် နေရာများအဖြစ်သတ်မှတ်ခံထားရသည့် ဒေသများသို့ သွားခဲ့ သူများနှင့် သွားရောက်မည့်သူများတွင်လည်း ကာကွယ်ဆေးထိုးသင့်ပါသည်။ ယင်းတို့အပြင် HBV ၏ အန္တရာယ်များနှင့် ရောဂါကူးစက်မှုပုံစံများကိုလည်း လူအများသိလာအောင် ပြုလုပ်ပေးသင့်ပါ သည်။

အသုံးဝင်သော သက်ဆိုင်ရာ link များ (1) (2) (3) (4) (5)