အသည်းရောင်အသားဝါ စီ

အသည်းရောင်အသားဝါ စီ

ခြုံငုံလေ့လာခြင်း

အသည်းရောင်အသားဝါ စီသည် အသည်းရောင်အသားဝါ စီဗိုင်းရပ်စ် (HCV) ကြောင့် ဖြစ် ပွားခြင်းဖြစ်ပြီး ယင်းသည် ပြင်းထန်သော ကူးစက်ရောဂါတစ်ခု ဖြစ်ပါသည်။ အသည်းရောင်အ သားဝါဆိုသည်မှာ ရောဂါကူးစက်မှုကြောင့် ဖြစ်စေ၊ ရောဂါကူးစက်မှုမဟုတ်ခြင်းကြောင့်ဖြစ်စေ အ သည်းတွင် ဖြစ်ပွားသော မည်သည့်ရောင်ရမ်းခြင်းကိုမဆို ရည်ညွှန်းပါသည်။ အသည်းရောင်အ သားဝါ စီဗိုင်းရပ်စ်ကြောင့် ဖြစ်ပွားသော ရောဂါကူးစက်မှုသည် ပြင်းထန်ပြီး အသည်းထိခိုက်ခြင်းကို ဖြစ်စေပါသည်။

ယင်းသည် ကူးစက်ရောဂါတစ်ခုဖြစ်ပြီး လူချင်းကူးစက်မှု (လူတစ်ယောက်မှ တစ်ယောက် သို့ကူးစက်ခြင်း) နည်းဖြင့်ပြန့်ပွားပါသည်။ ကူးစက်မှုသည် ရောဂါကူးစက်ခံထားရသည့်သူ၏ သွေးနှင့် ခန္ဓာကိုယ်မှထွက်သည့် အရည်များမှတဆင့်ကူးစက်ခြင်း၊ ရောဂါပိုးရှိသော အပ်များမှတ ဆင့်ကူးစက်ခြင်း၊ ဆေးဖက်ဆိုင်ရာ ကိရိယာများအား သေချာစွာပိုးသတ်ရန် ပျက်ကွက်ခြင်းနှင့် စစ်ဆေးမထားသော ရောဂါပိုးရှိနေသည့် သွေးအားသွင်းမိခြင်းတို့ကြောင့် ဖြစ်နိုင်ပါသည်။

ကံမကောင်းစွာဖြင့် အသည်းရောင်အသားဝါ စီ ကူးစက်ခံထားရသော လူတစ်ယောက်တွင် မည်သည့် လက္ခဏာမျှ ရုတ်တရက် မပြဘဲ ကူးစက်ခံထားရသူများအနေဖြင့် အသည်းထိခိုက်မှု ဖြစ်မှသာ ရောဂါဖြစ်ကြောင်း သိရှိရပါသည်။ အသည်းရောင်အသားဝါ စီအတွက် ကာကွယ်ဆေး မ ရှိသေးပါ။ သို့ရာတွင် ယင်းအား ဗိုင်းရပ်စ်ဆန့်ကျင်ဆေးများဖြင့် ကုသနိုင်ပါသည်။

အသည်းရောင်အသားဝါ စီအား လျင်မြန်၍ ပြင်းထန်သော အသည်းရောင်အသားဝါ စီ (ရောဂါကူးစက်မှုအသစ်များအား ရည်ညွှန်းခြင်း)နှင့် နာတာရှည် အသည်းရောင်အသားဝါ စီ (ကူး စက်မှုသည် အသည်းတွင် ခြောက်လထက်ပို၍ ရှိနေခြင်း) ဟူ၍ ခွဲခြားနိုင်ပါသည်။ ကမ္ဘာ့ကျန်းမာ ရေးအဖွဲ့ (WHO) အရ ကမ္ဘာတ၀ှမ်းတွင် နှစ်စဉ်အသည်းရောင်အသားဝါ စီရောဂါ ဖြစ်ပွားသူ သန်း ၁၃၀ မှ ၁၅၀ အကြားရှိပြီး နှစ်စဉ်သေဆုံးမှုပေါင်း ၅၀၀,၀၀၀ ခန့်ရှိနေပါသည်။ အသည်းရောင်အ သားဝါ စီအား ကမ္ဘာအနှံ့တွင် တွေ့ရှိရပြီး အာဖရိက၊ အာရှအလယ်ပိုင်းနှင့်အာရှအရှေ့ပိုင်းတို့ တွင် ပို၍ တွေ့ရှိရပါသည်။

မြန်မာနိုင်ငံတွင် လူဦးရေစုစုပေါင်း၏ ၁၁.၆ ရာခိုင်နှုန်းသည် အသည်းရောင်အသားဝါ စီ ကူးစက်ခြင်းခံထားရပါသည်။ မြန်မာနိုင်ငံတွင် အသည်းရောင်အသားဝါ စီ အလွန်အကျွံဖြစ်ပွားမှု သည် အချိန်နှင့်အမျှ ပျံ့နှံ့နေပါသည်။

 

လက္ခဏာများ

အသည်းရောင်အသားဝါ စီတွင် ရုတ်တရက်အားဖြင့် မည်သည့်လက္ခဏာမျှ ပြလေ့မရှိပါ။ သို့ရာတွင် ကူးစက်ခံရသူတစ်ဦးသည် ၁လ မှ ၃လအတွင်း အောက်ပါလက္ခဏာများအား စတင်၍ ပြတတ်ပါသည်။

  • မောပန်းခြင်း၊ ပျို့ခြင်းနှင့် အစားအသောက်ပျက်ခြင်း
  • ဗိုက်နာခြင်း
  • ဆီးအရောင်ရင့်ခြင်းနှင့် ဖြူဖျော့ဖျော့ဝမ်းသွားခြင်း
  • ကြွက်သားနှင့် အဆစ်များ နာကျင်ခြင်း
  • အရေပြားနှင့် မျက်လုံးများ ၀ါခြင်း (အသားဝါခြင်း)
  • ဖျားခြင်း တို့ဖြစ်ပါသည်။

 

နာတာရှည် HCV ကူးစက်မှုများအတွက် လက္ခဏာများတွင် 

  • အလွယ်တကူ သွေးခြည်ဥခြင်းနှင့် သွေးထွက်ခြင်း
  • အရေပြားယားယံခြင်းနှင့် အင်ပြင်ထခြင်း
  • ခြေထောက်များ ရောင်ရမ်းခြင်း
  • ကိုယ်အလေးချိန်ကျခြင်း
  • ၀မ်းဗိုက်တွင် အရည်များစုလာခြင်း
  • မူးဝေခြင်း၊ စိတ်မရေမရာဖြစ်ခြင်းနှင့် စကားပြောရာတွင် လုံးထွေးနေခြင်း တို့ဖြစ်ပါသည်။

 

ဘယ်အချိန်မှာ ဆရာဝန်နဲ့ ပြသင့်သလဲ

အထက်ပါလက္ခဏာများ တွေ့ရှိရသူ မည်သူမဆို ဆရာဝန်နှင့် ပြသင့်ပါသည်။ HCV ရော ဂါကူးစက်မှုအဖြစ်သတ်မှတ်ရန်အတွက် စစ်ဆေးမှုများ ပြုလုပ်သင့်ပါသည်။ အကယ်၍ သင့်တွင် ဗိုင်းရပ်စ်နှင့် ထိတွေ့မှုရှိပါက နောက်ထပ်ကူးစက်မှုနှင့် HCV ပျံ့နှံ့မှုအား လျော့ချရန်အတွက် ကာ ကွယ်သည့်ကုသမှုအား ခံယူသင့်ပါသည်။

ပုံမှန်အားဖြင့် ဆရာဝန်တစ်ဦးသည် အချို့သော စစ်ဆေးမှုများဖြစ်သည့် သွေးစစ်ဆေးခြင်း၊ ထိခိုက်မှုပမာဏကို သတ်မှတ်ရန်အတွက် အသည်းမှ နမူနာယူ၍ စမ်းသပ်ခြင်းနှင့် ကူးစက်ခံရသူ၏ ဆေးဖက်ဆိုင်ရာ ရာဇ၀င်ကို စစ်ဆေးခြင်းတို့ ပြုလုပ်မည်ဖြစ်ပါသည်။

 

ကုသမှု

အသည်းရောင်အသားဝါ စီအတွက် မည်သည့်ကာကွယ်ဆေးမျှ မရှိပါ။ သို့ရာတွင် ကူးစက် မှုအား ဗိုင်းရပ်စ်ဆန့်ကျင်ဆေးများဖြင့် ကုသနိုင်ပါသည်။ ဆေးဝါးများအဆင့်မြင့်လာခြင်းကြောင့် ကုသမှုများ ပို၍လွယ်ကူလာပြီး HCV ကူးစက်ခံရသူများတွင် ရှိပြီးသားဆေးများ၏ ဘေးထွက်ဆိုး ကျိုးများအား လျှော့ချခြင်းနှင့် ကုသမှုအချိန်အား ပို၍နည်းစေခြင်းတို့ ရှိပါသည်။

အသည်းရောင်အသားဝါ စီကူးစက်ခံထားရသူများတွင် interferon (IFN) အသုံးပြုသော ကုထုံးအား ၆လ ပြုလုပ်ခြင်းအပေါ် အလွန်ကောင်းသော တုံ့ပြန်မှု ရှိပါသည်။ သို့ရာတွင် အလိုအ လျောက် ပျောက်ကင်းခြင်းသည် အဖြစ်များသောကြောင့် အများအားဖြင့် ကုထုံးစတင်ခြင်းအတွက် တိကျသော အချိန်ပိုင်းအား သတ်မှတ်ထားခြင်းမရှိပါ။

ပြင်းထန်သော အခြေအနေများအတွက် ထိခိုက်မှုပမာဏအပေါ်မူတည်၍ ဆရာဝန်မှ အသည်းအစားထိုးခြင်းပြုလုပ်ရန် ညွှန်ကြားနိုင်ပါသည်။

 

ပျောက်ကင်းနိုင်မှု

HCV အတွက် ပျောက်ကင်းနိုင်မှုသည် ရောဂါကူးစက်မှု၏ ပမာဏအပေါ်တွင် မူတည်ပါ သည်။ အများအားဖြင့် လျင်မြန်၍ပြင်းထန်သော HCV အခြေအနေများအတွက် ကူးစက်မှုများ၏ ၁၅ မှ ၄၅ ရာခိုင်နှုန်းသည် ၆ လအတွင်း မည်သည့်ကုသမှုကိုမျှ ပေးစရာမလိုဘဲ သူ့အလိုလို ပျောက်ကင်းပါသည်။

နာတာရှည် HCV အခြေအနေများအတွက် ပျောက်ကင်းနိုင်မှုသည် အချိန်မီသိရှိခြင်းနှင့် အချိန်မီကုသခြင်းတို့ ရှိပါက အလွန်ကောင်းပါမည် ဖြစ်ပါသည်။ သို့ရာတွင် နာတာရှည်ရောဂါများ ၏ ၁၅ မှ ၃၀ ရာခိုင်နှုန်းတွင် အသည်းခြောက်ခြင်း၊ အသည်းပျက်စီးခြင်းနှင့် အသည်းကင်ဆာတို့ ဖြစ်ပွားနိုင်ပြီး အသည်းအစားထိုးရန် လိုအပ်ပါသည်။

 

ကာကွယ်ခြင်း

အောက်ပါ သတိထားစရာများအား လိုက်နာခြင်းဖြင့် လူတစ်ယောက်သည် HCV ကူးစက် မှုအား ကာကွယ်နိုင်ပါသည်။

  • HCV ကူးစက်ခံထားရသည်ဟု သိရှိထားသော သူများနှင့် နီးကပ်စွာထိတွေ့ခြင်းမှ ရှောင် ကျဉ်ပါ။
  • ဆေးထိုးအပ်အသုံးပြုရန် လိုအပ်သော တားမြစ်ထားသော ဆေးများအသုံးပြုခြင်းမှ ရှောင် ကျဉ်ပါ။
  • ခန္ဓာကိုယ်အား အပေါက်ဖောက်ခြင်းနှင့် ဆေးမင်ကြောင်ထိုးခြင်းတို့တွင် အထူးသတိပြုပါ။ အပ်များနှင့် ကိရိယာများသည် ပိုးသတ်ထားပြီး လုံခြုံမှုရှိကြောင်း သေချာအောင် လုပ်ပါ။
  • အန္တရာယ်ကင်းသော လိင်မှုကိစ္စကို ကျင့်သုံးပါ။

 

အသုံးဝင်သော သက်ဆိုင်ရာ link များ (1) (2) (3) (4)