ပန်းနာရင်ကြပ်ရောဂါ

ပန်းနာရင်ကြပ်ရောဂါပန်းနာရင်ကြပ်ရောဂါသည် လေပြွန်များရောင်ရမ်းကျဉ်းမြောင်းပြီး အချွဲများကို ပို၍ထွက်စေသော အခြေအနေတစ်ခုဖြစ်ပါသည်။ ယင်းသည် အသက်ရှူရခက်ခြင်းကို ဖြစ်စေပြီး အခြားလက္ခဏာများ ဖြစ်ကြသည့် တရွှီရွှီမြည်ခြင်း၊ ချောင်းဆိုးခြင်းနှင့် အသက်ရှူမ၀ခြင်းတို့ကိုလည်း ဖြစ်စေနိုင်ပါ သည်။ အချို့အခြေအနေများတွင် ပန်းနာရင်ကြပ်ရောဂါသည် အနှောင့်အယှက်အသေးအဖွဲသာ ဖြစ်သော်လည်း အချို့အခြေအနေများတွင် ယင်းသည် ပုံမှန်ဘ၀ကို နှောင့်ယှက်နိုင်သော အဓိက ပြဿနာတစ်ခုဖြစ်ပြီး အသက်အန္တရာယ်ရှိစေနိုင်သော နောက်ဆက်တွဲရောဂါများကို ဖြစ်စေနိုင်ပါ သည်။

ပန်းနာရင်ကြပ်ရောဂါအား ပျောက်ကင်းအောင် ကုသ၍ မရသော်လည်း ယင်း၏လက္ခဏာ များအား ထိန်းသိမ်းနိုင်ပါသည်။ ကမ္ဘာ့ကျန်းမာရေးအဖွဲ့ (WHO) ၏ ၂၀၁၄ ခုနှစ်တွင် ထုတ်ဝေခဲ့ သောအချက်အလက်များအရ မြန်မာနိုင်ငံတွင် ပန်းနာရင်ကြပ်ရောဂါဖြင့် သေဆုံးမှု ၁၃,၂၉၇ မှု ရှိခဲ့ ပြီး စုစုပေါင်းသေဆုံးမှုများ၏ ၃.၃၄% ဖြစ်ပါသည်။ မြန်မာနိုင်ငံတွင် အသက်ကန့်သတ်သေဆုံးမှု နှုန်းသည် လူဦးရေ ၁၀၀,၀၀၀ တွင် ၃၄.၃၀ ဖြစ်ပြီး ယင်းသည် မြန်မာနိုင်ငံအား ကမ္ဘာ့အဆင့်၂ ဖြစ်စေပါသည်။

 

လက္ခဏာများ

ပန်းနာရင်ကြပ်လက္ခဏာများသည် တစ်ဦးနှင့်တစ်ဦး ကွဲပြားလေ့ရှိသည်။ အချို့တွင် ပန်းနာ ရင်ကြပ်ရောဂါထမှု နည်းပါးပြီး လေ့ကျင့်ခန်းလုပ်ခြင်းကဲ့သို့သော အချို့အခြေအနေများတွင်သာ လက္ခဏာများ ပေါ်တတ်သော်လည်း အချို့တွင်မူ ရောဂါလက္ခဏာများ အချိန်ပြည့်ရှိနေတတ် သည်။

 

အဖြစ်များသော အချက်ပြများနှင့် လက္ခဏာများမှာ –

  • ရင်ဘတ်အတွင်းကြပ်ခြင်းသို့မဟုတ် နာကျင်ခြင်း
  • အသက်ရှူမ၀ခြင်း
  • အသက်ရှူမ၀ခြင်း၊ ချောင်းဆိုးခြင်းသို့မဟုတ် တရွှီရွှီမြည်ခြင်းကြောင့် အိပ်မရခြင်း
  • အသက်ရှူထုတ်ရာတွင် တရွှီရွှီမြည်သံသို့မဟုတ် လေချွန်သံကဲ့သို့ထွက်ခြင်း
  • အသက်ရှူလမ်းကြောင်းဗိုင်းရပ်စ်များဖြစ်ကြသော တုပ်ကွေးသို့မဟုတ် အအေးမိခြင်း ကြောင့် တရွှီရွှီမြည်ခြင်းသို့မဟုတ် ချောင်းဆိုးခြင်းတို့ ပိုဆိုးလာခြင်း တို့ဖြစ်ကြသည်။

အောက်ပါအချက်ပြများသည် ပန်းနာရင်ကြပ်ရောဂါအား ပို၍ဆိုးလာကြောင်း ပြခြင်းဖြစ်နိုင် သည်။

 

အချို့လူနာများတွင် အချက်ပြများနှင့်လက္ခဏာများသည် အချို့သောအခြေအနေများတွင် ပေါ်တတ်ပြီး ယင်းတို့မှာ –

  • အလုပ်နှင့်ဆိုင်သော ပန်းနာရင်ကြပ် – ယင်းသည် အလုပ်လုပ်သည့်နေရာမှ ညစ်ညမ်းမှု များနှင့်ရောဂါဖြစ်စေသည့်အရာများဖြစ်ကြသည့် ဓာတုဓာတ်ငွေ့များ၊ အမွှေးနံ့များသို့မ ဟုတ် ဖုန်များကြောင့် ဖြစ်ခြင်း
  • လေ့ကျင့်ခန်းလုပ်ခြင်းကြောင့်ဖြစ်သော ပန်းနာရင်ကြပ် – ယင်းသည် ခြောက်သွေ့သော သို့မဟုတ် အေးသောလေကြောင့် ပို၍ဆိုးစေခြင်း
  • ဓာတ်မတည့်မှုကြောင့်ဖြစ်သော ပန်းနာရင်ကြပ် – ယင်းသည် အချို့သော ဓာတ်မတည့်မှု များသို့မဟုတ် ရောဂါဖြစ်စေသည့်အရာများဖြစ်ကြသည့် ပိုးဟပ်များ၊ အိမ်မွေးတိရစ္ဆာန်အ မွှေးများသို့မဟုတ် ပန်းဝတ်မှုန်များ စသည်တို့ကြောင့် ဖြစ်ခြင်းတို့ဖြစ်ကြသည်။

 

ဘယ်အချိန်မှာ ဆရာဝန်နဲ့တွေ့သင့်သလဲ

ပြင်းထန်သောပန်းနာရင်ကြပ်ထမှုသည် အသက်အန္တရာယ်ရှိသောကြောင့် ချက်ချင်းဆေး ကုသမှုခံယူရန် လိုအပ်ပါသည်။ ထို့ကြောင့် အဆိုပါအခြေအနေမျိုးတွင် မည်သို့ပြုလုပ်ရမည်ကို သိထားရန်လိုအပ်ပါသည်။ အရေးပေါ်ပန်းနာရင်ကြပ်ရောဂါ၏ အချက်ပြများနှင့် လက္ခဏာများမှာ –

  • တရွှီရွှီမြည်ခြင်းသို့မဟုတ် အသက်ရှူမ၀ခြင်း လျင်မြန်စွာဆိုးလာခြင်း
  • အမြန်သက်သာစေသည့်ရှူဆေးများဖြစ်ကြသည့် albuterol စသည်တို့ဖြင့် မသက်သာ ခြင်း
  • အနည်းငယ်လှုပ်ရှားရုံမျှဖြင့် အသက်ရှူမ၀ဖြစ်ခြင်း စသည်တို့ဖြစ်ကြသည်။

 

ဤအရေးပေါ်အခြေအနေများတွင်မပါဝင်သော်လည်း ဆရာဝန်နှင့် ဆက်သွယ်သင့်သည် များမှာ –

  • သင့်တွင် ပန်းနာရင်ကြပ်ရောဂါရှိနေသည်ဟု ထင်ရလျှင်
  • သင့်လက္ခဏာများ ပို၍ဆိုးလာလျှင်
  • ရောဂါရှိကြောင်းသိရပြီးနောက် ပန်းနာရင်ကြပ်ရောဂါအား ဆက်လက်စောင့်ကြည့်နိုင်ရန်
  • ပန်းနာရင်ကြပ်ကုသမှုများအား ပြန်လည်စစ်ဆေးရန် တို့ဖြစ်ကြသည်။

 

ကုသမှုများ

ပန်းနာရင်ကြပ်ရောဂါထမှုအား ရပ်တန့်ရန် သော့ချက်မှာ ကာလရှည်ထိန်းချုပ်ခြင်းနှင့် ကာ ကွယ်ခြင်းပင်ဖြစ်သည်။ ပန်းနာရင်ကြပ်ကုသမှုတွင် ရောဂါထစေသည့်အကြောင်းရင်းများကို သိရှိ ရန်လေ့လာခြင်း၊ ယင်းတို့အား ရှောင်ကျဉ်ရန် ကြိုးစားခြင်းနှင့် သင့်နေ့စဉ်ဆေးဝါးများသည် သင့် လက္ခဏာများအား ထိန်းချုပ်ထားနိုင်ကြောင်း သေချာစေရန်အတွက် သင့်အသက်ရှူမှုကို စောင့် ကြည့်ခြင်းတို့ ပါဝင်ပါသည်။ ရုတ်တရက်ဖြစ်ခြင်းများအတွက် ဆရာဝန်များက အမြန်သက်သာစေ သည့်ရှူဆေးများအား ညွှန်ကြားလေ့ရှိပါသည်။

 

ဆေးဝါးများ

လူနာတစ်ဦးချင်းစီအတွက် မှန်ကန်သောဆေးဝါးများရွေးချယ်ရာတွင် စဉ်းစားရမည့်အရာ များစွာရှိသည်။ ယင်းတို့မှာ အသက်၊ ပန်းနာရင်ကြပ်ထစေသော အကြောင်းများ၊ လက္ခဏာများ နှင့် ပန်းနာရင်ကြပ်အား ထိန်းချုပ်နိုင်ရန်အတွက် သူ/သူမအတွက် အကောင်းဆုံးဖြစ်မည့်အရာများ စသည်တို့ဖြစ်ကြသည်။ ကာလရှည်ဆေးဝါးများအား လက္ခဏာများဖြစ်စေသည့် လေပြွန်ရောင် ရမ်းမှုကို လျှော့ချရန်အတွက် အသုံးပြုကြသည်။ လေပြွန်ကျယ်စေသည့်ဆေးများ သို့မဟုတ် အ မြန်သက်သာစေသည့် ရှူဆေးများသည် ရောင်ရမ်းနေသောသို့မဟုတ် ဖောင်းနေသောကြောင့် အ သက်ရှူရခက်စေသော လေပြွန်များကို လျင်မြန်စွာပွင့်စေမည်ဖြစ်ပါသည်။ အချို့သောလူနာများ တွင် ဆေးဝါးများနှင့် ဓာတ်မတည့်မှုများလည်း ရှိကြသည်။

 

ပျောက်ကင်းနိုင်မှု

ပန်းနာရင်ကြပ်ရောဂါသည် အများအားဖြင့် နာတာရှည်ရောဂါမျိုးဖြစ်သော်လည်း အချို့အ ခြေအနေများတွင် ရောဂါထခြင်းအချိန်တစ်ခုနှင့်တစ်ခုကြား ကြာတတ်သည်။ ကာလရှည်ပျောက် ကင်းနိုင်မှုသည် ယင်း၏ ပြင်းထန်မှုအပေါ်တွင် မူတည်သည်။

အနုစားမှအသင့်အတင့်အခြေအနေများတွင် ယင်းသည် အချိန်နှင့်အမျှ တိုးတက်လာနိုင် သည်။ အရွယ်ရောက်ပြီးသူများတွင် လက္ခဏာများ ရှင်းလင်းသွားသည်အထိ ဖြစ်နိုင်သည်။ အချို့ သောပြင်းထန်သည့်အခြေအနေများတွင် အရွယ်ရောက်ပြီးသူများသည် အဆုတ်ပိတ်ဆို့မှုအတိုင်း အတာနှင့် ဂရုစိုက်ကုသမှုများအပေါ်မူတည်၍ ပိုကောင်းလာနိုင်သည်။ သို့ရာတွင် ပြင်းထန်သော အခြေအနေများ၏ ၁၀%ခန့်တွင် လေပြွန်များ၏နံရံများဖွဲ့စည်းမှုတွင် အပြောင်းအလဲများဖြစ်လာ ပြီး ယင်းတို့မှာ ပြန်၍မကောင်းနိုင်သောကြောင့် ကုသမှုများခံယူနေသော်လည်း အဆုတ်လုပ်ငန်း များပို၍ ဆိုးလာသော ပြဿနာများလည်း ရှိသည်။

 

ကာကွယ်ခြင်း

ကံမကောင်းစွာပင် ပန်းနာရင်ကြပ်ရောဂါအားကာကွယ်ရန် နည်းလမ်းမရှိပေ။ သို့သော် သင်နှင့်သင့်ဆရာဝန်သည် သင့်ပန်းနာရင်ကြပ်အခြေအနေနှင့် ကိုက်ညီမည့်ကုသမှုအစီအစဉ်တစ် ခုကို အတူတကွပြုလုပ်နိုင်မည်ဖြစ်ပြီး ပန်းနာရင်ကြပ်ထမှုများကိုလည်း ကာကွယ်နိုင်မည်ဖြစ်ပါ သည်။

  • သင့်ပန်းနာရင်ကြပ်ကုသမှုအစီအစဉ်အား သေချာလိုက်နာပါ
  • တုပ်ကွေးနှင့် အဆုတ်အအေးမိရောဂါကာကွယ်ဆေးများ ထိုးထားပါ
  • ပန်းနာရပ်ကြပ်ရောဂါထစေသောအရာများအား သိအောင်လုပ်ထားပြီး ရှောင်ပါ
  • သင့်အသက်ရှူမှုအား စောင့်ကြည့်ပါ
  • သင့်ဆေးဝါးများအား ညွှန်ကြားထားသည့်အတိုင်း အသုံးပြုပါ
  • ရောဂါထမှုများအား စောစီးစွာသိအောင်လုပ်ပြီး ကုသပါ

 

အသုံးဝင်သော link များ (1) (2) (3) (4) (5)