တုပ်ကွေးရောဂါ

တုပ်ကွေးရောဂါ

ခြုံငုံလေ့လာခြင်း

Flu ဟု လူသိများသော တုပ်ကွေးရောဂါသည် ဗိုင်းရပ်စ်ပိုး ကူးစက်ခြင်းတစ်ခုဖြစ်ပါသည်။ ကျွန်ုပ်တို့သည် အစာအိမ်ဗိုင်းရပ်စ်သို့မဟုတ် အအေးမိခြင်းတို့ကဲ့သို့သော တုပ်ကွေးနှင့်ရောဂါ လက္ခဏာများတူညီသည့် မည်သည့်အနုစားဖျားနာမှုကိုမဆို ဖော်ပြရန်အတွက် အဆိုပါစကားရပ် ကိုအသုံးပြုလေ့ရှိပါသည်။ သို့ရာတွင် တုပ်ကွေးအစစ်၏ လက္ခဏာများသည် ရိုးရိုးအအေးမိခြင်း ထက်ပို၍ ဆိုးပြီး ပို၍လည်း ကြာပါသည်။ တုပ်ကွေးရောဂါသည် အရွယ်ရောက်ပြီးသူများတွင် ၀မ်း လျှောခြင်းသို့မဟုတ် အန်ခြင်းတို့ကို မဖြစ်စေနိုင်ပါ။ အများစုတွင် တုပ်ကွေးရောဂါသည် သူ့အလို လိုပျောက်ကင်းပါသည်။ သို့သော် တခါတရံတွင် တုပ်ကွေးနှင့်ယင်း၏ နောက်ဆက်တွဲရောဂါများ မှာ ပြင်းထန်ပြီး အသက်အန္တရာယ်ပေးနိုင်သည်အထိ ဖြစ်တတ်ပါသည်။ တုပ်ကွေးနှင့်သက်ဆိုင် သည့်နောက်ဆက်တွဲရောဂါများဖြစ်ပွားနိုင်သည့် သူများတွင် –

  • အသက် ၆၅ အထက်ရှိသူများ
  • ကိုယ်ဝန်ဆောင်အမျိုးသမီးများ
  • အသက် ၅နှစ်အောက် ကလေးများနှင့် အထူးသဖြင့် အသက် ၂နှစ်အောက် ကလေးများ
  • နာတာရှည်ရောဂါများဖြစ်ကြသည့် နှလုံးရောဂါ၊ ပန်းနာရင်ကြပ်ရောဂါ၊ ဆီးချိုရောဂါနှင့် ကျောက်ကပ်ရောဂါများ ခံစားနေရသူများ
  • မိဘမဲ့ကလေးကျောင်းများနှင့် အခြားကာလကြာစောင့်ရှောက်မှု အောက်တွင် နေရသူများ
  • အလွန်ဝသူများနှင့် ခန္ဓာကိုယ်ဒြပ်ထုအညွှန်း (BMI) ၄၀ နှင့်အထက်ရှိသူများ
  • ခန္ဓာကိုယ်ခုခံအားစနစ်ပျက်စီးနေသူများဖြစ်ကြပါသည်။

 

လက္ခဏာများ

ဖြစ်ကာစတွင် တုပ်ကွေးရောဂါသည် ရိုးရိုးအအေးမိခြင်း၏ လက္ခဏာများဖြစ်ကြသည့် နှာ စေးခြင်း၊ လည်ချောင်းနာခြင်းနှင့် နှာရည်ယိုခြင်းတို့ ဖြစ်တတ်ပါသည်။ သို့ရာတွင် အအေးမိခြင်း သည် ဖြည်းဖြည်းချင်းဖြစ်သော ရောဂါဖြစ်ပြီး တုပ်ကွေးရောဂါသည် ရုတ်တရက်ဖြစ်သော ရောဂါ ဖြစ်ပါသည်။ ရိုးရိုးအအေးမိခြင်းနှင့် နှိုင်းယှဉ်လျှင် တုပ်ကွေးရောဂါသည် ပို၍ ခံရခက်ပါသည်။

တုပ်ကွေးရောဂါတွင် အဖြစ်များသော လက္ခဏာများမှာ –

  • အပူချိန် ၁၀၀ ဒီဂရီဖာရင်ဟိုက်နှင့်အထက် ဖျားခြင်း
  • ချမ်းခြင်းနှင့် ချွေးထွက်ခြင်း
  • ကြွက်သားများ အထူးသဖြင့် နောက်ကျော၊ လက်များနှင့် ခြေထောက်များ ကိုက်ခဲခြင်း
  • ခေါင်းကိုက်ခြင်း
  • မောပန်းခြင်းနှင့်အားနည်းခြင်း
  • ချောင်းခြောက်ဆက်တိုက်ဆိုးခြင်း
  • လည်ချောင်းနာခြင်း
  • နှာခေါင်းပိတ်ခြင်းတို့ဖြစ်ကြပါသည်။

 

ဘယ်အချိန်မှာ ဆရာဝန်နဲ့ တွေ့သင့်သလဲ

တုပ်ကွေးရောဂါအများစုသည် သူ့အလိုလိုပျောက်ကင်းလေ့ရှိပြီး လူနာများအနေဖြင့် အိမ် တွင်ကိုယ်တိုင်ကုသနိုင်ပါသည်။ ဆရာဝန်နှင့်ပြရန် မလိုအပ်ပါ။ သို့ရာတွင် အကယ်၍ သင့်တွင် တုပ်ကွေးရောဂါ၏ နောက်ဆက်တွဲရောဂါများဖြစ်ပွားနိုင်ချေရှိပါက ဆရာဝန်နှင့် ချက်ချင်းပြသင့်ပါ  သည်။ အကယ်၍ ဗိုင်းရပ်စ်ဆန့်ကျင်ဆေးများကို လက္ခဏာများဖြစ်ပေါ်ပြီး ပထမဆုံး ၄၈ နာရီအ တွင်းသောက်သုံးပါက ပို၍ပြင်းထန်သော နောက်ဆက်တွဲရောဂါများကို ကာကွယ်နိုင်ရုံသာမက ဖျားနာမှု၏ ကာလကိုလည်း လျှော့ချပေးနိုင်ပါသည်။

 

ကုသမှု

ပုံမှန်အားဖြင့် သင့်တွင် တုပ်ကွေးရောဂါရှိပါက အနားယူခြင်းနှင့် အရည်များများသောက် ခြင်းထက်ပို၍ ဘာမှမလိုအပ်ပါ။ သို့ရာတွင် အချို့သော အခြေအနေများ၌ ဆရာဝန်မှ Zanamivir နှင့် Oseltamivir တို့ကဲ့သို့သော ဗိုင်းရပ်စ်ဆန့်ကျင်ဆေးများကို ညွှန်ကြားတတ်ပါသည်။ အကယ် ၍ လက္ခဏာများတွေ့ရှိရပြီး ၄၈ နာရီအတွင်း သောက်သုံးပါက ယင်းတို့သည် ဖျားနာမှုကို တစ် ရက်သို့မဟုတ် ယင်းထက်ပို၍ လျှော့ချပေးနိုင်ပြီး နောက်ဆက်တွဲရောဂါများကိုလည်း ကာကွယ် ပေးနိုင်ပါသည်။ သို့ရာတါင် အချို့သော ဗိုင်းရပ်စ်ဆန့်ကျင်ဆေးများသည် အန်ခြင်းနှင့်မူးဝေခြင်း ကဲ့သို့သော ဘေးထွက်ဆိုးကျိုးများကို ဖြစ်စေနိုင်ပါသည်။

တုပ်ကွေးရောဂါအား အနားယူခြင်း၊ အရည်များများသောက်ခြင်းနှင့် လိုအပ်ပါက ကိုက်ခဲမှု များအတွက် အကိုက်အခဲပျောက်ဆေးအချို့ကို သုံးစွဲခြင်းဖြင့် ကုသနိုင်ပါသည်။

 

ပျောက်ကင်းနိုင်မှု

ကိုက်ခဲခြင်း၊ နာကျင်ခြင်း၊ အားကုန်ခြင်းနှင့် တစ်ပတ်သို့မဟုတ် နှစ်ပတ်အထိကြာသော ဖျားခြင်းထက်ပို၍ မခံစားရသော သူများတွင် တုပ်ကွေး၏ ပျောက်ကင်းနိုင်မှုသည် အလွန်ကောင်း ပါသည်။ သို့ရာတွင် အသက်အရွယ်ကြီးသူများနှင့် ကိုယ်ခံအားစနစ်အားနည်းနေသူများတွင် ဆေး ပညာအကူအညီအရေးတကြီးရယူရန် လိုအပ်ပြီး ယင်းတို့တွင် ပို၍ပြင်းထန်သော နောက်ဆက်တွဲ အချို့ကို တွေ့ရနိုင်ပါသည်။

 

ကာကွယ်ခြင်း

တုပ်ကွေးကာကွယ်ဆေးသည် အသက် ၆လအထက် မည်သူ့အတွက်မဆို ရရှိနိုင်ပါသည်။ သို့ရာတွင် ကာကွယ်ဆေးသည် ရာနှုန်းပြည့် အကျိုးသက်ရောက်ခြင်း မရှိနိုင်ပါ။ ထို့အပြင် ရောဂါ ကူးစက်ခြင်းအား လျှော့ချရန်အတွက် အချို့သောအဆင့်များကိုလည်း လုပ်ဆောင်ရန်လိုအပ်ပါ သည်။ အဆိုပါ အဆင့်များမှာ –

လက်များအား သေချာစွာနှင့်မကြာခဏဆေးကြောခြင်း – ယင်းသည် အဖြစ်များသော ရောဂါအ များစုကို ကာကွယ်ရန်အတွက် အသုံးဝင်သော နည်းလမ်းဖြစ်ပါသည်။ အရက်ကိုအခြေခံသည့် လက်ဆေးရည်များကိုလည်း အသုံးပြုနိုင်ပါသည်။

လူစုလူဝေးအား ရှောင်ကျဉ်ခြင်း – လူအများအတူရှိကြသည့် ကျောင်းများ၊ ရုံးအဆောက်အအုံများ၊ ကလေးထိန်းစင်တာများ၊ အများပြည်သူ သယ်ယူပို့ဆောင်ရေးသို့မဟုတ် ဇာတ်ရုံများတွင် တုပ် ကွေးသည် လွယ်ကူစွာပျံ့နှံ့နိုင်ပါသည်။ ထို့ကြောင့် တုပ်ကွေးဖြစ်ပွားမှုအများဆုံးရာသီ (မြန်မာနိုင် ငံတွင် မုတ်သုန်ရာသီ) ၌ လူစုလူဝေးများကို ရှောင်ခြင်းဖြင့် ရောဂါကူးစက်မှုဖြစ်ပွားနိုင်ချေကို လျှော့ချနိုင်ပါသည်။ အကယ်၍ သင့်တွင် ရောဂါဖြစ်ပွားခဲ့ပါက ရောဂါမပျံ့နှံ့စေရန်အတွက် အနည်း ဆုံး ၂၄နာရီခန့် အိမ်တွင်သာ နေသင့်ပါသည်။

သင့်ချောင်းဆိုးခြင်းနှင့် နှာစေးခြင်းများအား ထိန်းသိမ်းခြင်း – သင့်ချောင်းဆိုးတိုင်း သို့မဟုတ် နှာ စေးတိုင်းတွင် ပါးစပ်နှင့် နှာခေါင်းအား သေချာစွာ အုပ်ထားရန်လည်း အရေးကြီးပါသည်။

 

အသုံးဝင်သော link များ (1) (2)